ველო ტური მოყვარულთათვის ილიას ტბა - ლაგოდეხის დაცული ტერიტორიები 

 2013 წლის 25 აგვისტოს, საქართველოს დაცული ტერიტორიების სააგენტოს ინიციატივით ეწყობა ერთდღიანი ველო ტური ილიას ტბიდან ლაგოდეხის დაცული ტერიტორიების მიმართულებით. ტური ატარებს სიმბოლურ ხასიათს, ეძღვნება ლაგოდეხის ნაკრძალის დაარსების 101 წლის საიუბილეო თარიღს, ემსახურება ჯანსაღი ცხოვრების პოპულარიზაციას საზოგადოებაში და მასში მონაწილეობა ნებისმიერ ველო მოყვარულს შეუძლია.

ტურის განრიგი:

25 აგვისტო, კვირა

08:00 თბილისი - ყვარელი (ილიას ტბა). მონაწილეთა ტრანსპორტირება ავტობუსით.

11:00 ილიას ტბა - ლაგოდეხის დაცული ტერიტორიების ადმინისტრაცია. გადაადგილება ველოსიპედებით. მანძილი 45 კმ. პიკნიკ ლანჩი.

18:00 ლაგოდეხის დაცული ტერიტორიების ადმინისტრაცია - თბილისი.

მონაწილეთა ტრანსპორტირება ავტობუსით.

ველო ტურის მონაწილეებს უნდა ჰქონდეთ საკუთარი ველოსიპედები და ასევე გრძელ დისტანციებზე გადაადგილების გამოცდილება.

მონაწილეები უზრუნველყოფილი იქნებიან ტრანსპორტირებით და კვებით. ასევე ველოსიპედების გადასატანი საბარგო მანქანით.

მონაწილეობის მსურველებს, გთხოვთ დაგვიკავშირდეთ შემდეგ მისამართზე info@apa.gov.ge ან დაგვირეკოთ ნომერზე - 275 38 90.

გაითვალისწინეთ, რომ ადგილების რაოდენობა შეზღუდულია.

ველით თქვენს გამოხმაურებას.