ბილეთის გამოყენების წესი
ყურადღება!
გარემოს დაცვისა და სოფლის მეურნეობის სამინისტროს დაცული ტერიტორიების სააგენტო გაცნობებთ, რომ ექვს დაცულ ტერიტორიაზე (პრომეთეს მღვიმე, სათაფლია, ნავენახევის მღვიმე, მარტვილის კანიონი, ოკაცეს კანიონი, ოკაცეს ჩანჩქერი) დაინერგა ელექტრონული ბილეთების გაყიდვის სისტემა. რაც მნიშვნელოვნად გააუმჯობესებს ვიზიტორთა მომსახურების ხარისხს. სისტემა ამჟამად, სატესტო რეჟიმში მუშაობს.
ახალი სისტემის მეშვეობით, ვიზიტორების შეძლებენ წინასწარ ვებ-გვერდზე : WWW.GURU.GE ელექტრონულად შეიძინონ ბილეთები, რითაც თავიდან აიცილებენ რიგში დგომას.
გარდა ვებ.გვერდისა, ბილეთების შეძენა ასევე შესაძლებელი იქნება შესაბამისი დაცული ტერიტორიების სალაროებში და ბილეთის ყიდვის სწრაფ აპარატებში, რომლებიც ვიზიტორთა ცენტრებშია განთავსებული.
ბილეთის გამოყენების წესი:
- იმისთვის რომ, საქართველოს მოქალაქეებმა/რეზიდენტმა პირებმა ისარგებლონ შესაბამისი ფასდაკლებით, თან უნდა იქონიონ პირადობის დამადასტურებელი მოწმობა, მართვის მოწმობა, პასპორტი, ან სხვა ოფიციალური დამადასტურებელი დოკუმენტი. (მისაღებია დოკუმენტების ელექტრონული ვერსიაც)
- იმისთვის რომ, არასრულწლოვნებმა ისარგებლონ მათთვის გათვალისწინებული შეღვათიანი ტარიფით, უნდა წარმოადგინონ პირადობის დამადასტურებელი მოწმობა, რომელიც გაიცემა 14 წლიდან.
- ობიექტებზე სადაც არის სეანსები, მომხმარებლები უნდა გამოცხადდნენ 20 წუთით ადრე, რათა დროულად შევიდნენ შესაბამის სეანსზე. სეანსზე დაგვიანების შემთხვევაში, მომხმარებელი ვეღარ შევა იმ კონკრეტულ სეანსზე და ბილეთი დაბრუნებას არ ექვემდებარება.
- ბილეთი ექვემდებარება დაბრუნებას მხოლოდ ფორს-მაჟორულისიტუაციით გამოწვეული მიზეზების გამო (ობიექტის გაუმართაობა, ნავის სერვისის შეფერხება გამოწვეული უამინდობის ან სხვა მიზეზების გამო, ობიექტი დაკეტილია სამუშაო დღეს)
გთავაზობთ ვებ-გვერდზე ბილეთის ყიდვის დეტალურ ინსტრუქციას:
- ვებ-გვერდზე ექსკურსიების განყოფილებაში ირჩევთ სასურველ დაცულ ტერიტორიას
- შემდეგ აჭერთ ბილეთის ყიდვას. თუ ობიექტზე არის სეანსები (პრომეთეს მღვიმე, სათაფლია ნავენახევის მღვიმე) უნდა აირჩიოთ სეანსის სასურველი დრო.
- გაიხსნება ყიდვის ფანჯარა, სადაც უნდა აირჩიოთ სასურველი ბილეთის ტიპი და რაოდენობა. მარტვილის კანიონისა და პრომეთეს მღვიმეს შემთხვევაში, ასევე უნდა გააკეთოთ არჩევანი დამატებით სერვისზე - ნავით გასეირნება, რომელიც დამატებით საფასურს მოიცავს.
- ამ ნაბიჯების გავლის შემდგომ,უნდა მიუთითოთ ელ.ფოსტა, სადაც გსურთ მიიღოთ ბილეთების ელექტრონული ვერსია
- ბანკის გადახდის გვერდზე, უნდა შეიყვანოთ საბანკო ბარათის მონაცემები და შეასრულოთ გადახდა. წარმატებული გადახდის შემდეგ მითითებულ ელ.ფოსტაზე გამოგზავნებათ ნაყიდი ბილეთები. თუ დარეგისტრირებული იქნებით ვებ-გვერდზე ბილეთი თქვენ პირად კაბინეტშიც შეინახება
ვებ-გვერდზე რეგისტრაცია
ვებ-გვერდზე რეგისტრაცია ხდება მთავარ გვერდზე. შესვლა/ავტორიზაციის ღილაკის გამოყენებით.
რეგისტრაცია/ავტორიზაციისთვის საჭიროა ტელეფონის ნომრის შეყვანა, სადაც გამოგეგზავნებათ კაბინეტში შესვლისთვის საჭირო კოდი. კაბინეტში შესვლით, შეძლებთ ნახოთ შესრულებული, აქტიური და გამოყენებული შეკვეთები.
ელექტრონული ბილეთის ყიდვის შემდეგ, შეგიძლიათ ობიექტზე შესასვლელად აუცილებელი QR კოდი შეინახოთ ნებისმიერ ფორმატში. (სურათად, ელ.ფოსტაზე გამოგზავნილ ბილეთად, ან ამობეჭდილი სახით).
