სათაფლიას აღკვეთილი
/ 2 კმ, 2 სთ, საფეხმავლო, მარტივი /
მარშრუტზე მოგზაურობისას ვიზიტორები მოინახულებენ დინოზავრის ნაკვალევის საკონსერვაციო ნაგებობას, უნიკალურ კარსტულ მღვიმეს, მუზეუმს, კოლხურ ტყეს, ველური ფუტკრის საბინადრო გარემოს. აქვეა საგამოფენო დარბაზი და შუშის პანორამული გადასახედი, საიდანაც იმერეთის რეგიონის ულამაზესი ხედი იშლება. აღსანიშნავია, რომ ეს ბილიკი განსაკუთრებით მისადაგებულია ოჯახური მოგზაურობისათვის. ბილიკზე, დინოზავრის ნაკვალევის გარდა, ბავშვები დინოზავრის ფიტულებსაც დაათვალიერებენ, რომლებთანაც სურათის გადაღება მათთვის მეტად სახალისო იქნება.
