/ 1,200 მ, 1.5 სთ, საფეხმავლო, მარტივი /

მარშრუტი იწყება მდინარე კინტრიშის ქვის თაღოვანი ულამაზესი ხიდიდან. ეს ნაგებობა მიეკუთვნება არქიტექტურული ხელოვნების აყვავების - ქვით მშენებლობის განვითარების მეორე პერიოდს (XI-XII სს.) და ითვლება რუსთაველის ეპოქის ძეგლად.

ქვის თაღოვანი ხიდიდან ბილიკი გრძელდება ცხემვანის წმინდა გიორგის სახელობის ეკლესიამდე, რომელმაც ფუნქციონირება 2005 წელს დაიწყო. თავდაპირველად, აქ მამათა მონასტერი იყო, ხოლო 2010 წლიდან გადაკეთდა დედათა მონასტრად. აქვე, ვიზიტორებს შეუძლიათ მოინახულონ უძველესი ღვინის ქვევრები. ბზების კორომები და ჩანჩქერი. თაღოვანი ხიდიდან საფეხმავლო მარშრუტის სიგრძე, დაახლოებით, 600 მეტრია.

ბილიკზე ვიზიტორებს შეუძლიათ ისარგებლონ იქვე არსებული თავშესაფრით, საპიკნიკე და საკარვე ადგილებით.

ფოტო გალერეა

ჰიფსომეტრიული რუკა