ბილიკი იწყება სოფელ ხინოში, ზღვის დონიდან 990 მეტრ სიმაღლეზე, მდინარე ჭერულას გადაკვეთის შემდეგ მიუყვება კოლხური სუბტროპიკული ტყეებით დაფარულ ფართობს. ზღვის დონიდან 1085 მეტრზე ბილიკი გაივლის ფართოდ გაშლილ მდელოს საიდანაც ტბიყელის ბილიკის გადასახვევია და კვლავ შედის ხშირ ფოთლოვან ტყეში. ბილიკი კვლავ ეშვება მდინარე ჭერულას ხეობაში და შემდეგ ადის ჩანჩქერ ხინომდე. ხინოს ჩანჩქერი ზღვის დონიდან 1190 მეტრ სიმაღლეზე მდებარეობს და ულამაზესი წყალვარდნილებით გამოირჩევა. ბილიკის გასწვრივ ენდემური და რელიქტური კოლხური ხეები გვხვდება. განსაკუთრებით ლამაზია მდინარის ხეობა, სადაც თუ გაგიმართლათ კალმახიც შეგიძლიათ შეამჩნიოთ. ბილიკის სიგრძე (ერთი მიმართულებით) 2,5 კილომეტრია, რომლის გავლაც 40-45 წუთშია შესაძლებელი