ლუდვიგ მლოკოსევიჩის ბილიკი
/9 კმ. 2-3 სთ. მარტივი/
9 კმ სიგრძის საფეხმავლო ბილიკი ერთმანეთს აკავშირებს ლაგოდეხის დაცული ტერიტორიების ცენტრალურ შესასვლელს და მაწიმის რეინჯერთა სადგურს, მაჭის ციხის ბილიკის დასაწყისს. ბილიკი იწყება ლაგოდეხის დაცული ტერიტორიების საინფორმაციო ცენტრიდან, გადაკვეთს მდინარე ლაგოდეხის ხევს, გაივლის VI – VII ს.ს ქოჩალოს მონასტერს (”დიდთა ძალითა ლაგოდეხი”), გადაკვეთს რაჭისუბნის ფართოფოთლოვან ტყეს და დასრულდება მაწიმის რეინჯერტა სადგურთან.
პოლონელი ნატურალისტი და ლაგოდეხის ნაკრძლის დაარსების ინიციატორი ლუდვიგ მლოკოსევიჩი ლაგოდეხში, აღნიშნული ბილიკის სიახლოვეს 1861 წლიდან ცხოვრობდა და აღნიშნულ ბილიკს ხშირად გამოიყენებდა.
