ვაშლოვანის დაცული ტერიტორიები საქართველოს უკიდურეს სახრეთ-აღმოსავლეთ ნაწილში, კახეთში, ივრის ზეგანზე მდებარეობს და ვაშლოვანის სახელმწიფო ნაკრძალს, ვაშლოვანის ეროვნულ პარკსა და არწივის ხეობის, ალაზნის ჭალისა („კაკლის ყურე“) და ტახტი-თეფას ტალახის ვულკანების ბუნების ძეგლებს აერთიანებს.

ვიზიტორთა ცენტრი:  ქ. დედოფლისწყარო, ბარათაშვილის ქ. N 5

ვაშლოვანის უნიკალურ ლანდშაფტს, ტყისა და ჭალის ეკოსისტემებს, სემიარიდულ ტერიტორიებს, ქარის გამოფიტვის შედეგად წარმოქმნილ ეროზირებულ მთებს, რომლებსაც „არეულებს“ ეძახიან, კანიონებს, ხეობებსა და ხრამებს 7 მარშრუტი ფარავს და ვიზიტორებს 1 და 2 დღიანი სამანქანო, ველო და საფარიტურების ფართო არჩევანს სთავაზობს.  

ადგილზე შეგიძლიათ იქირაოთ ან დაგეგმოთ:

• ბილეთი 6 წლამდე ბავშვებისთვის - უფასო;
• ვაშლოვანის დ.ტ-ებზე შესვლის გადასახადი (საქართველოს მოქალაქე, ბინადრობის მქონე და რეზიდენტი პირებისათვის) 1 ადამიანი - 5 ლარი;
• ვაშლოვანის დ.ტ-ებზე შესვლის გადასახადი (გარდა საქართველოს მოქალაქე, ბინადრობის მქონე და რეზიდენტი პირებისა) 1 ადამიანი - 10 ლარი;
• პარკის ტერიტორიაზე სატრანსპორტო საშუალება 1 სატრანსპორტო საშუალება - 50 ლარი;
• სპორტული თევზაობა. დღიური ლიმიტი განისაზღვრება 10 კგ-მდე. (შენიშვნა - იმ შემთხვევაში თუ დაჭერილი ერთი თევზის წონა აღემატება 10 კილოგრამს, დასაშვებია მხოლოდ ერთი ცალის დაჭერა) 1 ადამიანი / 1 დღე - 10 ლარი;
• საფარი ტური (8 ადგილიანი) 1 ტური - 400 ლარი;
• საკარვე ადგილი 1 ადამიანი / 1 დღე - 10 ლარი;
• კარავი 1 დღე - 20 ლარი;
• პარალონი 1 დღე - 5 ლარი;
• საძილე ტომარა 1 დღე - 10 ლარი;
• ზურგჩანთა 1 დღე - 10 ლარი;
• ჭოგრიტი 1 დღე - 10 ლარი;
• ჰამაკი 1 დღე - 15 ლარი;
• საკონფერენციო დარბაზი (35 ადამიანზე) -1 დღე - 200 ლარი;
• ვაშლოვანის ეროვნული პარკის (მათ შორის, მოიცავს: მიჯნის ყურეს, შავ მთას, პანტიშარას, დათვის ხევს, ცენტრალურ ბუნგალოებს, ვაშლოვანის დაცვისსადგურს და ვოლიერს) ტერიტორიაზე ავტომობილით შესვლის ფასი - 1 ავტომობილი 5 ლარი. ფასი სკოლის მოსწავლისთვის და სტუდენტისთვის  - 2 ლარი;
• ტახტი - თეფას ბუნების ძეგლის ტერიტორიაზე ავტომობილით შესვლის ფასი - 1 ავტომობილი 5 ლარი. ფასი სკოლის მოსწავლისთვის და სტუდენტისთვის - 2 ლარი;
• ალაზნის ჭალას ("კაკლის ყურე") ბუნების ძეგლის ტერიტორიაზე ავტომობილით შესვლის ფასი - 1 ავტომობილი 5 ლარი. ფასი სკოლის მოსწავლისთვის და სტუდენტისთვის - 2 ლარი;

 შენიშვნა: დღიური ლიმიტი განისაზღვრება 20კგ- მდე (იმ შემთხვევაში თუ დაჭერილი ერთი თევზის წონა აღემატება 20 კგ.-ს, დასაშვებია მხოლოდ ერთი ცალი თევზის დაჭერა) 1 ადამიანი/1 დღე - 5 ლარი;

ტურები ხორციელდება მთელი წლის განმავლობაში, აქტიური სეზონი კი მაისიდან ნოემბრის ჩათვლით გრძელდება

• ფრინველებზე დაკვირვებისათვის საუკეთესო პერიოდია გაზაფხული (აპრილი) და შემოდგომა (ოქტომბერი-ნოემბერი).
• სპორტულ-სამოყვარულო თევზაობისათვის საუკეთესო პერიოდია აპრილიდან ივლისის ბოლომდე.
• მცენარეთა ენდემური სახეობების (ქართული ზამბახი, ეიხლერის ტიტა, ველის იორდასალამი და სხვ.) ყვავილობის პეროდია აპრილიდან მაისის ბოლომდე.
• საკმლის ხის ნაყოფის მწიფობა და თრიმლის ფოთლების შეფერილობის ცვლილება გრძელდება სექტემბრიდან ნოემბრის ჩათვლით.

გაფრთხილება

სასაზღვრო ზონაში მოგზაურობის შემთხვევაში, აუცილებელია სპეციალური გადაადგილების საშვის მიღება შემდეგ ლოკაციებზე:

შენიშვნა: * საზღვრისპირა ტერიტორიაზე - მიჯნისყურე, ტახტი-თეფასა და კაკლის ყურეში გადაადგილებისათვის აუცილებელია რეგისტრაციის გავლა ვაშლოვანის დაცული ტერიტორიების ვიზიტორთა ცენტრში (ქ. დედოფლისწყარო, ბარათაშვილის ქ. N 5), რისთვისაც თან იქონიეთ პირადობის დამადასტურებელი დოკუმენტი

როგორ მოვხვდეთ დაცულ ტერიტორიებზე
ბილიკები
რეგიონის ღირსშესანიშნაობები
გვიპოვეთ Google Map-ზე