სიახლეები

25 ივლისი 2019

ბორჯომ-ხარაგაულის ეროვნულ პარკს ფოტოგრაფი ანდრეა პისტოლესი ეწვია

19 ივლისი 2019

ელექტრონული აუქციონი!

19 ივლისი 2019

„იმოგზაურე ვისოლთან ერთად“

18 ივლისი 2019

დაცული ტერიტორიების სააგენტოს განცხადება!

15 ივლისი 2019

ახალ ეკოტურისტულ ობიექტებზე ინფო-ტური გაიმართა

23 მაისი 2019

ელექტრონული აუქციონი

სსიპ დაცული ტერიტორიების სააგენტო აცხადებს ელექტრონულ აუქციონს თბილისის ეროვნული პარკის ტერიტორიაზე, ე.წ „საბადურის ტყის“ მიმდებარედ 37 793 კვ.მ არასასოფლო-სამეურნეო დანიშნულების მიწის ნაკვეთებზე სასყიდლიანი აღნაგობის უფლებით გაცემის მიზნით.

02 მაისი 2019

ელექტრონული ბილეთების სისტემა

გარემოს დაცვისა და სოფლის მეურნეობის სამინისტროს სსიპ დაცული ტერიტორიების სააგენტო გაცნობებთ, რომ 3 მაისიდან დაცულ ტერიტორიებზე ბილეთების რეალიზება ხდება ელექტრონული გზით, რაც მნიშვნელოვნად გააუმჯობესებს ვიზიტორთა მომსახურების ხარისხს.

ბილეთების რეალიზაციის პროგრამული უზრუნველყოფის, ფინანსური მონიტორინგისა და ვიზიტორთა შესვლის კონტროლის უზრუნველყოფას ახორციელებს კომპანია „გურუ.ჯი“.
კომპანიამ ვიზიტორთა ცენტრებში მოაწყო შესაბამისი ინფრასტრუქტურა. დამონტაჟდა გამშვები ტურნიკეტები, ვიდეო-სამეთვალყურეო სისტემა, ბილეთის საბეჭდი აპარატები, ასევე სალაროსთან ლოდინის რეჟიმის განტვირთვის მიზნით, ბილეთის ყიდვის სწრაფი აპარატები.

23 აპრილი 2019

ელექტრონული აუქციონი

სსიპ დაცული ტერიტორიების სააგენტო აცხადებს პირობებიან ელექტრონულ აუქციონს მარტვილის კანის ბუნების ძეგლის ტერიტორიაზე ტურისტული მომსახურების გაწევის მიზნით ზიპლაინის ატრაქციონების მოწყობისა და მისი უსაფრთხოების ნორმების / სტანდარტების დაცვით ოპერირების თაობაზე.

აუქციონის პირობების შესახებ დაწვრილებითი ინფორმაციის გასაგებად და აუქციონებში მონაწილეობის მისაღებად ეწვიეთ შემდეგ ლინკებს: http://bit.ly/2VZxvEo

23 აპრილი 2019

26-დან 29 აპრილის ჩათვლით, სააღდგომო დღესასწაულთან დაკავშირებით, დაცული ტერიტორიების ტერიტორიული ადმინისტრაციები ისვენებენ

დაცული ტერიტორიების სააგენტო გაცნობებთ, რომ აღდგომის ბრწყინვალე დღესასწაულთან დაკავშირებით, დაცული ტერიტორიების ადმინისტრაციები ისვენებენ. მათ შორის, ყველაზე პოპულარული ეკოტურისტული ობიექტებიც:
• პრომეთეს მღვიმე
• სათაფლია
• ნავენახევის მღვიმე
• მარტვილის კანიონი
• ოკაცეს კანიონი
• კოლხეთის ეროვნული პარკი

საქართველოს ეროვნული პარკები გელით 30 აპრილიდან!

21 აპრილი 2019

დაცული ტერიტორიების სააგენტოსა და საქართველოს ეროვნულ ბოტანიკურ ბაღს შორის ურთიერთთანამშრომლობის მემორანდუმი გაფორმდა

საქართველოს გარემოს დაცვისა და სოფლის მეურნეობის სამინისტროს დაცული ტერიტორიების სააგენტოსა და საქართველოს ეროვნულ ბოტანიკურ ბაღს შორის ურთიერთთანამშრომლობის მემორანდუმი გაფორმდა. მემორანდუმის მიზანია ბიომრავალფეროვნების კვლევისა და კონსერვაციის ღონისძიებათა მხარდაჭერა, საქართველოს უნიკალური ბუნების პოპულარიზაცია და საზოგადოების გარემოსდაცვითი ცნობიერების ამაღლების ხელშეწყობა.
დოკუმენტს ხელი სსიპ დაცული ტერიტორიების სააგენტოს თავმჯდომარემ ვალერიან მჭედლიძემ და საქართველოს ეროვნული ბოტანიკური ბაღის დირექტორმა თამაზ დარჩიძემ მოაწერეს.

მემორანდუმის ფარგლებში, სააგენტო ხელს შეუწყობს:
• ბოტანიკური ბაღის მიერ დაცულ ტერიტორიებზე გავრცელებული საქართველოს ფლორის სახეობების IUCN-ის კრიტერიუმებით შეფასების სამუშაოებს;
• ბოტანიკურ ბაღს გაუზიარებს გამოცდილებას გარემოსდაცვითი საგანმანათლებლო აქტივობებისა და ვიზიტორთა პროგრამების განხორციელებასთან დაკავშირებით;
• ჩაერთვება ბოტანიკური ბაღის მიერ ორგანიზებულ სამეცნიერო კონფერენციებში, შეხვედრებსა და დისკუსიებში;
• ხელს შეუწყობს ერთობლივი ღონისძიებების დაგეგმვასა და განხორციელებას.
ურთიერთთანამშრომლობა ასევე გულისხმობს, ვიზიტორთა პროგრამების შემუშავებას, ეკოსაგანმანათლებლო გამოცდილების გაზიარებასა და ერთობლივი ღონისძიებების განხორციელებას, ასევე თანამედროვე ტექნოლოგიების დანერგვას, რაც ხელს შეუწყობს როგორც სახეობების, აგრეთვე ბუნებრივი ჰაბიტატების დაცვას და ჩვენი საარსებო გარემოს კონსერვაციას.

19 აპრილი 2019

ელექტრონული აუქციონი!

სსიპ დაცული ტერიტორიების სააგენტო აცხადებს პირობებიან ელექტრონულ აუქციონს სათაფლიის აღკვეთილში არსებულ არასასოფლო-სამეურნეო დანიშნულების მიწის ნაკვეთის ნაწილზე ტურისტული მომსახურების გაწევის მიზნით თოკების პარკის და ჩქაროსნული ჩამოსასვლელის (როლერის) მოწყობისა და უსაფრთხოების ნორმების დაცვით მათი ოპერირების თაობაზე.

აუქციონის პირობების შესახებ დაწვრილებითი ინფორმაციის გასაგებად და აუქციონში მონაწილეობის მისაღებად ეწვიეთ შემდეგ ლინკს:
http://bit.ly/2Xoos01

04 აპრილი 2019

ელექტრონული აუქციონი!

 ელექტრონული აუქციონი!

 სსიპ დაცული ტერიტორიების სააგენტო აცხადებს პირობებიან ელექტრონულ აუქციონს თბილისის ეროვნული პარკის ტერიტორიაზე, ზედაზნის ტყის მიმდებარედ არსებული ტერიტორიის ნაწილზე 75 000 კვ.მ არასასოფლო-სამეურნეო დანიშნულების მიწის ნაკვეთზე სასყიდლიანი აღნაგობის უფლებით გაცემის მიზნით.

აუქციონში გამარჯვებული ვადლებულია განახორციელოს არანაკლებ 17 000 000 (ჩვიდმეტი მილიონი) ლარის ინვესტიცია და მოაწყოს შესაბამისი ინფრასტრუქტურა ეკოტურიზმისა და რეკრეაციული მიზნებისთვის:
 
 
29 მარტი 2019

ელექტრონული აუქციონი!

სსიპ დაცული ტერიტორიების სააგენტო აცხადებს ელექტრონულ აუქციონს თეთრა მღვიმის ბუნების ძეგლის იჯარის ფორმით გაცემის მიზნით.
 
აუქციონში გამარჯვებული ვალდებულია გადაცემულ ქონებაზე, თეთრა მღვიმეში და მღვიმის მიმდებარედ მოაწყოს ვიზიტორთა მომსახურებისათვის საჭირო ინფრასტრუქტურა, ასევე უზრუნველყოს მღვიმისა და მიმდებარე ტერიტორიის განათება სსიპ „დაცული ტერიტორიების სააგენტოსთან“ შეთანხმებული პროექტის შესაბამისად.
 
აუქციონის პირობების შესახებ დაწვრილებითი ინფორმაციის გასაგებად და აუქციონებში მონაწილეობის მისაღებად ეწვიეთ შემდეგ ლინკს:
 
https://bit.ly/2U6hsHU
24 მარტი 2019

მარტვილის კანიონზე ტურისტული სეზონისთვის მოსამზადებელი სამუშაოები მიმდინარეობს

საქართველოს ყველაზე პოპულარულ ეროვნულ პარკში - მარტვილის კანიონზე სარეაბილიტაციო სამუშაოები მიმდინარეობს, რომელიც დაცული ტერიტორიების სააგენტოს თავმჯდომარე ვალერიან მჭედლიძემ ადგილზე დაათავლიერა.

მარტვილის კანიონს 2018 წელს, 200 000 ვიზიტორი ესტუმრა. რომელთა შორის 40% ქართველი, ხოლო 60%- უცხოელი იყო.

ახალი ტურისტული სეზონისთვის ადგილზე ეწყობა ახალი ექსტრემალური ატრაქცია ზიპ-ლაინი, რაც ადგილზე მოსულ სტუმარს საშუალებას მისცემს დამატებითი თავგადასავალი მოიწყოს.

დაცული ტერიტორიების სააგენტოსთვის განსაკუთრებით მნიშვნელოვანია ვიზიტორების კომფორტი და უსაფრთხოება. აქედან გამომდინარე, კანიონში ქვათა ცვენის ზონებში დამონტაჟდა დამცავი ბადეები, რემონტდება ხიდები და გადასახედი პლატფორმები, ეწყობა დამატებითი სველი წერტილები.

2018 წელი დაცული ტერიტორიების სააგენტოსთვის განსაკუთრებით წარმატებული იყო. საქართელოს ეროვნულ პარკებს, რეკორდული რაოდენობის - 1 მილიონ ვიზიტორზე მეტი ესტუმრა.

20 მარტი 2019

ოკაცეს კანიონზე მიმდინარე სარაბილიტაციო სამუშაოები დასრულდა

განახლებული ინფრასტრუქტურა გარემოს დაცვისა და სოფლის მეურნეობის მინისტრის მოადგილე იური ნოზაძემ და დაცული ტერიტორიების სააგენტოს თავმჯდომარე ვალერიან მჭელიძემ ადგილობრივი ხელისუფლების წარმომადგენლებთან ერთად დაათვალიერეს.

მსოფლიოში არსებული ტრენდის შესაბამისად, კანიონზე შეიცვალა კიდული ბილიკის და გადასახედი პლატფორმის საფარი. დაიგო ლითონის გამჭვირვალე იატაკი, რომელიც ბილიკს მეტად ექსტრემალურს გახდის. ასევე, გვერდითი დამცავი ბაგირები შეიცვალა უჟანგავი ბაგირებით. შედეგად, კანიონში მოგზაურობა მეტად უსაფრთხო გახდება. რეაბილიტაცია ჩაუტარდა ვიზიტორთა ცენტრიდან გამშვებ პუნქტამდე მისასვლელ ბილიკზე არსებულ 13 ხიდს - ხის კონსტრუქტიცია შეიცვალა მეტალის კონსტურქციით.

სარეაბილიტაციო სამუშაოები დაცული ტერიტორიების სააგენტოს საკუთარი შემოსავლების და სახელმწიფო ბიუჯეტის თანადაფინანსებით განხორციელდა და მასზე 120 328 ლარი დაიხარჯა.