რაჭის ეროვნული პარკის რეინჯერებს ტყის მართვის საკითხებზე ტრენინგი ჩაუტარდათ.
რაჭის ეროვნული პარკი შედარებით ახალი დაცული ტერიტორიაა და მისი განვითარება აქტიურად მიმდინარეობს. ამ პროცესში ერთ-ერთი მნიშვნელოვანი ნაბიჯი რეინჯერების ცოდნისა და პროფესიული უნარების გაძლიერებაა. სწორედ ამ მიზნით, პარკის თანამშრომლებისთვის ტყის მართვის თემატური ტრენინგი ჩატარდა.
რეინჯერებმა შეისწავლეს სანიმუშო ფართობების სწორად გამოყოფა — პროცესი, რომელიც აუცილებელია ტყის მდგომარეობის შეფასებისა და მონიტორინგისთვის; განიხილეს საშეშე მერქნის ტრანსპორტირებისა და შესაბამისი ნებართვების გაცემის პროცედურები, რათა ტყის რესურსების გამოყენება სრულად შესაბამისობაში იყოს კანონთან.
ტრენინგის ერთ-ერთი მნიშვნელოვანი ნაწილი დაეთმო სამართალდარღვევებს. რეინჯერებმა პრაქტიკული მაგალითებით განიხილეს სამართალდარღვევების აღმოჩენის ფაქტები და დაშესაბამისი პროცედურები.
რაჭის ეროვნული პარკი რაჭა-ლეჩხუმის და ქვემო სვანეთის რეგიონში, ონის მუნიციპალიტეტში მდებარეობს. ეროვნული პარკი 2023 წელს შეიქმნა და მისი საერთო ფართობი 50 835 ჰა-ია.