ბორჯომ-ხარაგაულის ეროვნულ პარკში შესვლამდე აუცილებელია რეგისტრაციის გავლა ეროვნული პარკის ვიზიტორთა ცენტრში!

ფეისბუქის გვერდი: ბორჯომ ხარაგაულის ეროვნული პარკი/Borjomi-Kharagauli National Park

ბორჯომ-ხარაგაულის ეროვნული პარკი  საქართველოს ცენტრალურ ნაწილში მდებარეობს და იმერეთის, ჯავახეთისა და შიდა ქართლის რეგიონებს მოიცავს. ეროვნულ პარკს  ვიზიტორთა ცენტრები აქვს ბორჯომსა და ხარაგაულში.

ბორჯომის ვიზიტორთა ცენტრი: ქ. ბორჯომი, მესხეთის ქ. N 23

ხარაგაულის ვიზიტორთა ცენტრი: დაბა ხარაგაული, სოლომონ მეფის ქ. N 17

პარკის ტურისტული მარშრუტების ქსელი ერთი და მრავალდღიანი ლაშქრობების დიდ არჩევანს იძლევა და ჯამში 12 მარკირებულ და კეთილმოწყობილ ბილიკს მოიცავს. ნაძვნარებით, ფიჭვნარებით, სოჭნარებითა და შერეული წიწვოვანი ტყეებით განთქმული ტერიტორია ვიზიტორებს სალაშქრო, საცხენოსნო, ველო, თოვლის ფეხსაცმელების, კულტურულ და საგანმანათლებლო ტურებს სთავაზობს. 

ადგილზე შეგიძლიათ იქირაოთ:

• საკარვე ადგილი - 1 ადამიანი - 5 ლარი;
• პარალონი - 1 დღე - 3 ლარი;
• საკონფერენციო დარბაზი ბორჯომში (50 ადამიანზე) - 122 ლარი;
• საკონფერენციო დარბაზი ხარაგაულში (25 ადამიანზე) - 65 ლარი;
• ველოსიპედი - 35 ლარი;  სკოლის მოსწავლეებისა და სტუდენტებისათვის - 25 ლარი;
• თოვლის ფეხსაცმელი - 15 ლარი, ყოველი დამატებითი დღე 10 ლარი;
• შემნახველი საკანი (1 ცალი)  - 12 საათი  - 2  ლარი, 
• შემნახველი საკანი (1 ცალი) -1 დღე - 3 ლარი
• საპიკნიკე მაგიდა აწყურის შესასვლელთან - 1 დღე 10 ლარი; სტუდენტი და სკოლის მოსწავლე - 5 ლარი;

ტურები ხორციელდება მთელი წლის განმავლობაში

• კავკასიური დეკას და ორქიდეას ყვავილობის პერიოდი გრძელდება მაისიდან ივნისამდე.
• თოვლის ფეხსაცმლით ლაშქრობა შესაძლებელია დეკემბერიდან თებერვლის ჩათვლით.

როგორ მოვხვდეთ დაცულ ტერიტორიებზე 
ბილიკები 
რეგიონის ღირსშესანიშნაობები
გვიპოვეთ Google Map-ზე