ბორჯომ-ხარაგაულის ეროვნული პარკის ნეძვის აღკვეთილში ახალი ეკოტურისტული ბილიკი გახსნა

გარემოს დაცვისა და სოფლის მეურნეობის მინისტრმა, ლევან დავითაშვილმა, UNDP-ის მოქმედ ხელმძღვანელთან, ანნა ჩერნიშოვასთან და CNF-ის ხელმძღვანელ თობიას მიუნხმაიერთან ერთად ბორჯომ-ხარაგაულის ეროვნული პარკის ნეძვის აღკვეთილში ახალი, 32 კილომეტრიანი ბილიკი გახსნა.

საქართველოსა და კორეის ეროვნული პარკების საერთო გამოფენა

ალგეთის ეროვნულ პარკში საქართველოსა და კორეის ერთობლივი ღონისძიება გაიმართა. 2 კვირის განმავლობაში ალგეთის ეროვნულ პარკში კორეის ეროვნული პარკების ფოტოგამოფენა იქნება წარმოდგენილი. პარალელურად, ექსპოზიცია კორეაში, ქ. ვონჯუშიც გაიხსნა, სადაც საქართველოს ეროვნული პარკების ფოტოებია გამოფენილი.

თუშეთის ეროვნულ პარკის ვიზიტორთა ცენტრი ვიზიტორებისთვის ღიაა!

თუშეთში ტურისტული სეზონი გაიხსნა და თუშეთის ეროვნული პარკი პირველ ვიზიტორებს ელის. ეროვნული პარკის ვიზიტორთა ცენტრი ომალოში მდებარეობს. სადაც როგორც ინფორმაციის მიღება და ტურის დაგეგმვა, ისე განთავსებაც შესაძლებელია. ვიზიტორთა მომსახურების სპეციალისტები ვიზიტორებს მიაწვდიან ინფორმაციას ეროვნულ პარკში არსებული ტურისტული აქტივობებისა თუ განთავსების სხვადასხვა საშუალებების შესახებ, მათ შორის ვიზიტორთა ცენტრშივე არსებულ ნომრებზე.

მარტვილის კანიონი, ოკაცეს კანიონი, ოკაცეს ჩანჩქერი, პრომეთეს მღვიმე და სათაფლია 26 მაისიდან მუშაობას ანახლებს

მარტვილის კანიონი, ოკაცეს კანიონი, ოკაცეს ჩანჩქერი, პრომეთეს მღვიმე, სათაფლია 26 მაისიდან მუშაობას ანახლებს და ვიზიტორებს სხვადასხვა საინტერესო სიახლეს სთავაზობს.მოგზაურობის მოყვარულებს უკვე შესაძლებლობა აქვს, საქართველოს 93-ვე დაცული ტერიტორია მოინახულოს 

პრომეთეს მღვიმის გახსნიდან 10 წელი შესრულდა

10 წლის წინ, 26 მაისს, საქართველოს ერთ-ერთი სავიზიტო ბარათი პრომეთეს მღვიმე ოფიციალურად გაიხსნა. მღვიმეში „ქართუ ჯგუფმა“ სარეაბილიტაციო სამუშაოები განახორციელა და ახალი საერთაშორისო სტანდარტის ინფრასტრუქტურა მოაწყო, რის შემდეგაც ვიზიტორებს მიეცათ საშუალება იმოგზაურონ და აღმოაჩინონ საქართველოს ეს უნიკალური მემკვიდრეობა.

22 მაისს, ყოველწლიურად, ბიომრავალფეროვნების საერთაშორისო დღე აღინიშნება

22 მაისს, ყოველწლიურად, ბიომრავალფეროვნების საერთაშორისო დღე აღინიშნება. ეს დღე მიზნად ისახავს მსოფლიო მოსახლეობის ყურადღების გამახვილებას ბიომრავალფეროვნებისა და მისი შენარჩუნების მნიშვნელობის შესახებ.

26 მაისიდან, საქართველოს ეროვნულ პარკებში მოგზაურობის დროა!

მოგზაურთათვის ყველაზე პოპულარული და მოთხოვნადი დაცული ტერიტორიები - მარტვილის კანიონი, ოკაცეს კანიონი, ოკაცეს ჩანჩქერი(სოფ. კინჩხა), სათაფლია და პრომეთეს მღვიმე 26 მაისიდან ვიზიტორებისთვის იხსნება.

8 მაისს გადამფრენ ფრინველთა დაცვის საერთაშორისო დღე აღინიშნება

საქართველოს დაცული ტერიტორიები მნიშვნელოვან საარსებო გარემოს წარმოადგენს გადამფრენი და მობუდარი ფრინველებისთვის. განსაკუთრებით აღსანიშნავია კოლხეთის ეროვნული პარკი, ქობულეთისა და ჯავახეთის დაცული ტერიტორიები, სადაც ფრინველთა მიგრაციის ერთ-ერთი უმნიშვნელოვანესი დერეფანი გადის.

თბილისის ეროვნულ პარკში 6 მილიონი ლარის ღირებულების ეკოტურისტული ინფრასტრუქტურა მოეწყობა

საქართველოს მთავრობის პროექტის - „ქვეყნის მასშტაბური განახლების პროგრამა“ ფარგლებში, თბილისის ეროვნულ პარკში ეკოტურიზმის განვითარება იგეგმება, რომელსაც საქართველოს რეგიონალური განვითარებისა და ინფრასტრუქტურის სამინისტროს „მუნიციპალური განვითარების ფონდი“ გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს ჩართულობით განახორციელებს.

აჯამეთის აღკვეთილში 550 ძირი იმერული და ქართული მუხის ჯიშის ნერგი დაირგო

დედამიწის დღის 2021 წლის თემის - „აღვადგინოთ ჩვენი დედამიწა“ აღსანიშნავად, "ტოიოტა ცენტრი თეგეტას" მხარდაჭერით, აჯამეთის აღკვეთილის ადმინისტრაციის თანამშრომლებთან ერთად, აღკვეთილში მოწყობილ მუხის სანერგე ფართობზე 550 ძირი იმერული და ქართული მუხის ჯიშის ნერგი დაირგო. 

22 აპრილს „დედამიწის დღე“ აღინიშნება!

22 აპრილს „დედამიწის დღე“ აღინიშნება! ეს დღე გარემოს დაცვის მხარდასაჭერად და პლანეტის დასაცავად მთელს მსოფლიოს აერთიანებს!

2021 წელს, თემით - „აღვადგინოთ ჩვენი დედამიწა“ - ეს დღე ყურადღებას ამახვილებს ბუნებრივ პროცესებზე, მწვანე ტექნოლოგიების დანერგვასა და ინოვაციურ მიდგომებზე, რომელთაც შეუძლიათ მსოფლიოს ეკოსისტემების აღდგენა.

წალკის კანიონზე მასშტაბური ეკოტურისტული სივრცის მოწყობის სამუშაოები დასრულების ეტაპზეა; კერძო საერთაშორისო ინვესტიცია 120 მილიონ ლარს შეადგენს

საქართველოში პირველად, დაცულ ტერიტორიაზე - წალკის კანიონზე კერძო საერთაშორისო ინვესტიცია ხორციელდება, რომელიც ყველაზე მრავალფეროვანი ეკოტურისტული სივრცის მოწყობას გულისხმობს. პროექტს ებრაული კომპანია KASS LAND ახორციელებს. ინვესტიცია 120 მილიონ ლარს შეადგენს. სამშენებლო სამუშაოები დასრულების ეტაპზეა. 

დაცული ტერიტორიების რეინჯერი გიორგი აბრამიშვილი მსოფლიოს 10 საუკეთესო რეინჯერს შორის მოხვდა

განცხადება

მაჭახელას ეროვნული პარკის ადმინისტრაცია გაცნობებთ, რომ ვიზიტორთა უსაფრთხოებიდან გამომდინარე, მაჭახელას ეროვნული პარკის ტყუპი ჩანჩქერის ტურისტული ბილიკი დაიკეტა ქვათა ცვენის საშიშროების გამო.

27 მარტს მსოფლიოს მასშტაბით დედამიწის საათი აღინიშნება!

ამ დღეს, 20:30 წუთზე, უამრავი ადამიანი, დედამიწის ყველა კუთხიდან, პლანეტის დასაცავად ერთიანდება და 1 საათის განმავლობაში უარს ამბობს ელექტროენერგიის გამოყენებაზე. სწორედ ამ ჟესტით გამოიხატება მხარდაჭერა დედამიწის მიმართ.